تلقى قسم المتابعة في «بانكير» العديد من الشكاوى التي تجسد معاناتهم مع بنك الشركة المصرفية العربية الدولية «سايب» وأغلبها عكس تردي الخدمات المصرفية وتواضعها في المصرف والتي لا ترتقي لبنك من الدرجة السادسة.
وتركزت أغلب الشكاوي حول سوء خدمة العملاء وعدم ردهم على الشكاوي بجانب افتقاد تقديم خدمات مصرفية متنوعة وذلك بخلاف ندرة عدد الفروع وماكينات الصراف الألي ولك أن تتخيل أن إجمالي فروع البنك لايتعدي الـ 41 فرعاً ،و 143 ماكينة صراف آلى حسب أخر بيانات صادرة من البنك.
« بنك ملوش كبير يترد عليه» كانت عبارة لخص بها عميل تجربته مع بنك سايب والتي كشفت عن حجم إهمال العملاء التي فاضت بها صفحات التواصل الاجتماعي حتى أن أحدهم قال إنه عار على القطاع المصرفي المصري.
وساق عميل تجربته مع البنك في شكاواه قائلا «معندهمش سيستم ولا مصداقية وهرفع عليهم قضية وهبلغ البنك المركزى بكل الفويسات اللى معايا من الموظفين اللى عندهم والرسائل والاخطارات و كشوف الحساب اللى بتدينهم وتثبت انهم بيستغلوا العملاء».
وأضاف عميل أخر في شكواه «بجد ياريت كل اللى يعرف حد بيسأل على البنك ده أنا بعت شكوى للإدارة بنك سايب وعندى رقم الشكوى وبعت شكوى للبنك المركزى فى بنك سايب وجارى التحقيق وبعت شكوى لرئاسة مجلس الوزراء وجارى التحقيق فيها
وطبعا معايا أرقام الشكاوى كلها ومش هسيبهم».
وأشار عميل ثالث «إدرة بنك سايب وخدمة عملاء بنك وكل من هو مسئول فى بنك سايب يقدر يحل ومع ذلك يتفنن فى وضع العقبات والعراقيل لازم كل متضرر من البنك يسعى فى تصعيد مشكلته لأعلى الدرجات عشان البنك المفروض وظيفته التيسير فى حدود القانون وليس التعسير ومخالفة القانون».
واستعرض عميل أخر تجربته السيئة مع خدمة عملاء سايب وقال فيها «يعنى إيه سيارة ثالث سنة تأمين
مديونية المبلغ المتبقي خمسين ألف عايزنى أأمن بالسعر السوقى للسيارة اللى هو عشرين ألف جنيه يعنى نص المبلغ المتبقي منطق ايه ده …ده منطق النصااااا …. بس».
وقال أخر «أنا عميل ملتزم فى بنك سايب مع سوء إدارة وخدمة عملاء فاشلة فى بنك سايب ولن أجدد الثقة بهذا البنك ومش هسيب حقى» وردت عليه ضحية أخرى قائلة «أنا عميلة ملتزمة بأقساطى فى مواعيدها وفاضلى كام شهر واخلص ومع ذلك عايزنى أأمن بالسعر أكثر من عشرين ألف جنيه
أنا عايزة مسئول يملك القرار مش مجرد عملاء الخدمة اللى هو عميل مزدوج يريحك فى التليفون ويرجع يقولك هم اللى قالولى».
وأخيرا شكا عميل من سرعة السلحفاة التي يتميز بها بنك سايب قائلا «يعني إيه أفضل كل ده انتظار بقالي 3 أيام بكلمهم وكل يوم كده واقفل محدش يرد».
كل ماسبق شكاوى حقيقية مسجلة على مواقع التواصل وفي محاضر رسمية تستغيث من رداءة خدمة العملاء والمعاملة بشكل عام وحينما ينفد صبر العملاء إلى هذا الحد فتلك شهادة مختومة بختم الإهمال والفشل.
